Zil vun dëser Veranstaltung ass et, Gäertner fir d’Problematik vun invasiven Neophyten souwéi hir Auswierkungen op d’Biodiversitéit ze sensibiliséieren. Doriwwer eraus ginn och Méiglechkeete gewise fir d’bestëbsend Insekten am Gaart ze fërderen. Am Kader vun der Konferenz gëtt  déi nei Charte „Invasive Neophyten und ihre Alternativen für Gärten und Anlagen“ virgestallt, déi speziell fir de Gaardebau- an Urbanistiksecteur esouwéi fir Privatpersounen entwéckelt gouf. E Virtrag duerch Experte beliicht d‘ ökologesch Auswierkunge mam Fokus op d’heemesch Bestëbser an insektefrëndlech Alternativen an Entsuergungsmethoden. D’Veranstaltung schléisst mat enger Diskussiounsronn an engem praxisorientéierten Austausch of.